BAP @ Tollwood 2025
- In My Life(The Beatles song)
- (Eddie Cochran cover)
- (>)
- (>)
- (>)
- (Zeltinger Band cover)
- (with Hannes Ringlstetter)
- (with Stoppok)
- Encore:
- (Bob Dylan cover) (>)
- (The Troggs cover)
- (with Hannes Ringlstetter & Stoppok)
Verdamp lang her*
Verdamp lang her, dat ich fass alles ähnz nohm,
Verdamp lang her, dat ich ahn jet jejläuv,
Un dann dä Schock, wie’t anders op mich zokohm,
Merkwürdig, wo su manche Haas langläuf.
Nit resigniert, nur reichlich desillusioniert –
E’ bessje jet hann ich kapiert.
Wer alles, wenn dir’t klapp, hinger dir herrennt,
Ding Schulder klopp, wer dich nit all hofiert,
Sich ohne ruut ze weede dinge Fründ nennt
Un dich daachs drop janz einfach ignoriert.
Et ess lang her, dat ich vüür su jet rootlos stund
Un vüür Enttäuschung echt ni’ mieh kunnt.
Ich weiß noch, wie ich nur dovun gedräump hann,
Wovun ich nit woss, wie ’sch et sööke sollt,
Vüür lauter Söökerei et Finge jlatt versäump hann,
Un övverhaup, wat ich wo finge wollt.
’Ne Kopp voll Nix, nur die paar instinktive Tricks,
Et duhrt lang, besste dich durchblecks.
Dat wohr die Zick, wo ich noch nit ens Pech hatt,
Noch nit ens dat, ich hatt se nit ens satt.
He wohr John Steinbeck, do stund Joseph Conrad,
Dozweschen ich, nur relativ schachmatt.
’T ess paar Johr her, doch die Erinnrung fällt nit schwer,
Hück kütt mer’t vüür, als wenn et jestern wöhr.
Verdamp lang her, verdamp lang,
Verdamp lang her.
Verdamp lang her, verdamp lang,
Verdamp lang her.
Frööchs mich, wann ich zoletz e’ Bild jemohlt hann,
Ob mir e’ Leed tatsächlich jetz jenüsch,
Ob ich jetz do benn, wo ich hinjewollt hann,
Ob mir ming Färv op die Tour nit verdrüsch.
Ich jläuv, ich weiß, ob de nu laut mohls oder leis,
Kütt nur drop ahn, dat de et deiß.
Verdamp lang her, verdamp lang,
Verdamp lang her.
Verdamp lang her, verdamp lang,
Verdamp lang her.
Verdamp lang her, dat ich bei dir ahm Jraav wohr
Verdamp lang her, dat mir jesprochen hann
Un dat vum eine och jet beim andre ahnkohm –
Su lang, dat ich mich kaum erinnre kann.
Häss fess jejläuv, dat wer em Himmel op dich waat,
“Ich jönn et dir“, hann ich jesaat.
Verdamp lang her, verdamp lang,
Verdamp lang her.
Verdamp lang her, verdamp lang,
Verdamp lang her.
Jraaduss
Manchmohl setz ich he röm un ich frooch mich, woröm
Et su kumme moht, wie et kohm, wie et jetz ess,
Un ich saach mer, dat et irjendwo wiggerjonn muss – jraaduss.
Noch hängk dieh Bild ahn der Wand un määt mich rejelrääsch krank,
Ich hann ding Stemm noch em Uhr un ich froore mich nur,
Ob dat alles nix wohr enn dä letzte paar Johr – met dir.
Bliev do, wo de bess,
Halt dich irjendwo fess
Un bliev su, wie de wohrs:
Jraaduss.
Aff un zo merk ich dann, wie joot et dunn kann,
Wemmer Luffschlösser baut un op Zofäll vertraut,
Jar nix mieh plant, op jar nix mieh waat - nur su.
Dann weed alles verdrängk, weil sons nix mieh jet bringk,
Weil sons Himmelblau Jrau weed un mir alles zovill weed,
Weil enn jedem Jedanke e’ Bild vun dir steck – jangk weg.
Bliev do, wo de bess,
Halt dich irjendwo fess
Un bliev su, wie de wohrs:
Jraaduss.
Et wohr schön, et wohr joot, ahm Engk e’ bessje ze koot,
Dausendunein Naach, wo Donner un Bletz kraach,
’Ne Film ohne Schluss, wo nix ess, wie et muss – jraaduss.
Denk ens aff un zo draan, ahn dat, wat mer noch hann,
Wat uns keiner mieh nemmp, weil et wohr ess un stemmp:
Dat Stöck „Ich“ vun dir un dat Stöck „Du“ vun mir – jraaduss.
Bliev do, wo de bess,
Halt dich irjendwo fess
Un bliev su, wie de wohrs:
Jraaduss.
 |
| Quelle: Facebook *Verdammp mit zwei "m" laut https://bap.de/songtexte/, auch wenn der Titel auf dem Album anders lautet. |
Comments
Post a Comment